Mi firriavu lu paisi,
un si vidinu mancu i furmichi!
Nuddu cà parla,
nuddu cà si senti…
picchì un c’è zoccu cuntari,
ti pari nenti?
Un paisi cà voli affunnari,
sulu chissu vi pozzu cuntari!
Un paisi cà un si voli arripigghiari,
cà ci manca la vuci e vulissi cantari,
chi cu l’occhi, a furia di chianciri,
un si voli chiu taliari!
A nuddu ci nni futti nenti,
anzi pari sunnu cuntenti
di vidiri un paisi cà ogni ghiornu mori
puru si ci furono tempi migliori!
Paisi antico come antico è lu munnu,
pari avissi a naufragari nna un sicunnu!
E ci sunnu paroli censurate,
un parlate di cultura, un v’azzardate!
Chi è comu fumo nna l’occhi,
fannu comu lu tauru cu u russo
siddo st’argomento tocchi:
storcinu lu musso!
E in mezzu a tutto stu Carnilivari
di mascari chi coprino li difetti
di cu cumanna ma un sapi cumannari
è inutuli chi a matula aspetti
lu suli: nun voli agghiurnari!
E tu, povero Busacchino,
canta, canta, ma senza fistino,
chiddu chi vulivi ti lu scigghisti,
o bono o malo zoccu facisti
ti lu ritrovi pi amaro distino
e nun c’è verso né manera
chi st’inverno si cangi
in primavera.
Nessun commento:
Posta un commento